मनसुन छिटो भित्रिने संकेत,  एक हप्ता अघि नै मनसुनी बर्षाको सम्भावना

यसवर्ष नेपालमा मनसुन छिटो भित्रिने भएको छ । भारतमा औसतभन्दा अगाडि नै मनसुन भित्रिएकाले नेपालमा पनि छिटो भित्रिने संकेत देखिएको हो । नेपालमा सामान्यतया जुन ते¥हमा मनसुन भित्रिने गर्दछ । यसवर्षको मनसुन औसतभन्दा दुई दिन अगाडि भारतको केरलामा र छ दिन अगाडि भारतको आसाम, मेघालयसम्म पुगेको छ । यो वर्ष करिब एक हप्ताअघि नै मनसुन भारतको आसाम भित्रिएकाले नेपालमा पनि एक हप्ताअघि नै मनसुन भित्रिने सम्भावना देखिएको हो । मनसुन भित्रिन कम्तिमा एक हप्ता लाग्ने भएकाले तापक्रम अझै बढ्ने देखिएको छ । भारतमा मनसुन भित्रिएको एक हप्तादेखि दश दिनसम्ममा नेपाल भित्रिने गर्छ । भारतमा हिजो मनसुन भित्रिसकेकाले अबको एक हप्तादेखि दश दिनभित्र नेपालमा पनि मनसुन भित्रिने सम्भावना रहेको हो।