वीरेन्द्रनगरको रातानाङ्ला नजिक जिप दुर्घटना, चार यात्रुको मृत्यु

सुर्खेतबाट कालीकोट जाँदै गरेको जिप दुर्घटना हुँदा ४ जनाको मृत्यु भएको छ । वीरेन्द्रनगर नगरपालिका–१३ को रातानाङ्लानजिकै टाकुरीमोडमा भएको दुर्घटनामा ४ जनाको मृत्यु भएको  हो । आज बिहान २ बजेतिर भे १ च २५६० नम्बरको जिप दुर्घटनामा परेको हो । जीप दुर्घटनामा मृत्यु भएका तीन जनाको सनाखत भएको छ  । मृत्यु हुनेमा कालिकोट गाउँपालिकाका ४० वर्षीय तन्त विक, १७ वर्षीय वीरेन्द्र विक, २७ वर्षीय नवराज विक र दैलेख भैरबी गाउँपालिका ४ का ३८ वर्षीय महेन्द्र शाही रहेको छन । मृतकमध्ये एकजनाको शव रुखमा अड्किएको अवस्थामा भेटिएको प्रहरीले जनाएको छ । दुर्घटनामा घाइते भएका चालक कालीकोट खाँडाचक्र–९ का २५ वर्षीय नरेन्द्र विष्ट र शुभकालिका–३ भर्ताका ३८ वर्षीय नरी कामीको सुर्खेतमा उपचार भइरहेको प्रहरीले जनाएको छ । ६ जना सवार जिप सडकबाट अन्दाजी दुई सय मिटर तल खसेको प्रहरीले जनाएको छ । घटनाका बिषयमा अनुसन्धान भईरहेको जिल्ला प्रहरी कार्यालय सुर्खेतलेले जनाएको छ ।।