नेपालले आज अमेरिकासँग अभ्यास खेलमा प्रतिस्पर्धा गर्ने

आईसीसी टी–२० विश्वकपको तयारीमा रहेको नेपाली राष्ट्रिय क्रिकेट टोलीले आज आज आयोजक अमेरिकासँग अन्तिम अभ्यास खेलमा प्रतिस्पर्धा गर्दैछ । अमेरिकाको डलासको ग्रान्ड प्रेरी स्टेडियममा हुने खेल राति सवा ९ बजे सुरु हुनेछ । नेपाल र अमेरिका ११ वर्षपछि दोस्रो पटक टी–२० क्रिकेटमा भेट हुँदैछन् ।  यसअघि सन् २०१३ मा विश्वकपको छनोटको अभ्यास खेलमा नै यी दुई टोली आमनेसामने भएका थिए । सो खेलमा नेपाल अमेरिकासाग ५ विकेटले पराजित भएको थियो ।   विश्वकपको तयारीमा रहेको नेपाल र अमेरिकाले एकअर्काविरुद्ध खेलेसँगै प्रतियोगिताका लागि तयारीमा छन । विश्वकपमा सहभागी सबै टोलीलाई आईसीसीले दुई अभ्यास व्यवस्था गरेको थियो । सोही अनुरुप नेपालले पहिलो खेलमा नेपाल क्यानडासँग ६३ रनले पराजित भएको थियो । अमेरिका र बंगलादेशको खेल भने खराब मौसमले रोकिएको थियो । नेपालले ४ जुनमा नेदरल्यान्डस्सँग खेल्दै विश्वकपको यात्रा सुरु गर्नेछ । आयोजक अमेरिकाले जुन २ मा क्यानडासँग विश्वकपको उदघद्दाटन खेल खेल्नेछ । विश्वकपको उदघाटन खेल यही मैदानमा हुनेछ । विश्वकपको तयारीका लागि नेपालले वेष्ट इण्डिजमा तीन अभ्यास खेल खेलेको थियो । तीन खेलको सिरिजमा नेपालले विनवार्ड भोल्क्यानोजविरुद्ध २–१ ले जित निकालेको थियो । वेष्ट इण्डिजबाट अमेरिका पुगेको नेपाली टोलीले ह्युस्टनमा ह्युस्टन हरिके्रन्स दुई अभ्यास खेल खेलेको थियो। ती दुवै खेल नेपालले जितेको थियो ।