किराँत राई समुदायले आज उँभौली पर्व धुमधामका साथ मनाउदै
आज देशभरका भूमेस्थानमा पूजा आराधना
![](https://snowberry.prixacdn.net/media/gallery_folder/images_AmJYIJryzc_7s6t6duyqkshw2aruhrrpbplz6ynygpbizlxegfytdh6z0rgrxxtj2pactc9_SkRkRCeIUS_iezgctiprq5wmukigln19rmtnvbk0suv0tsmbsj1szmgzdoeng1wxqqdmjdf.jpg)
प्रत्येक वर्ष वैशाख शुक्ल पूर्णिमाका दिन किराँत राई समुदायले मनाउने उँभौली पर्व आज देशभरका भूमेस्थानमा पूजा आराधना गरी मनाइँदै छ । बाली लगाउनुअघि गाउँगाउँमा रहेका भूमेस्थानमा राम्रोसँग काम होस् भनी प्रकृतिको पूजा आराधना गरिने परम्परा रहेको छ । गर्मी बढ्ने भएकाले यो समुदायका मानिस बेँसीबाट लेकतिर उँभो लाग्ने भएकाले पनि यसको नाम उँभौली रहेको हो । वैशाख शुक्ल पूर्णिमादेखि चराचुरुङ्गीलगायत जङ्गली जनावर पनि उँभो लाग्ने किराँत समुदायको विश्वास छ । नदीमा माछा पनि गर्मीबाट बच्न बेँसीको नदीबाट लेकतिर लाग्छन् भन्ने भनाइ छ ।मार्गशीर्ष शुक्ल पूर्णिमाका दिन बाली भित्र्याएर जाडो छल्न बेँसी झरेका मानिस आजदेखि उँभो लाग्छन् । उँभोको अर्थ खेतीपाती राम्रो होस्, धेरै होस्, उन्नति होस् भन्ने भनाइ पनि रहेको छ । यस पर्वका अवसरमा चण्डी नाचसमेत नाचिन्छ । यसै कारण वैशाख शुक्ल पूर्णिमाको दिनलाई चण्डी पूर्णिमा पनि भनिन्छ । किराँत समुदायका पनि विभिन्न सम्प्रदायका बीच साकेला नाच पनि नाचिन्छ । राजधानीमा ललितपुरको हात्तीवनमा रहेको साकेलास्थानमा केही मानिस जम्मा भएर पूजा आराधनाको विधि पूरा गर्ने तयारी किराँत राई यायोक्खाले गरेको छ । आजको दिनदेखि ‘साकेला’ पर्व अर्थात ‘उभौली’ पर्वलाई ऋतु परिवर्तनको संकेत दिने पर्वको रुपमा पनि मान्ने चलन छ । वैशाख शुक्ल पूर्णिमादेखि यो पर्व एक महिनासम्म मनाइन्छ । किराँत समुदायभित्रका चाम्लिङ, बान्तवा, सुनुवार, राई, याक्खा, लिम्बु लगायतका जातिहरुले यस ‘उभौली’ पर्वलाई महान चाडका रुपमा मनाउँदै आएका छन् ।
सुनसरीमा लुटपाटमा सङ्लग्न सात जना पक्राउ
पहिरोका कारण अवरुद्व पासाङ्ल्हामु मार्ग सञ्चालनमा
![युक्रेनका लागि इटालीकी प्रधानमन्त्री मेलोनीले दिइन् दृढ र स्पष्ट समर्थन](https://snowberry.prixacdn.net/media/gallery_folder/itali%2520pm_xGSYUNinmq_axhlaoi4dzsmfpkiplwr0z3ex5w3fqhsewzuoujxxood2gojxfb7ez0i92xd_HMK2KouGRM_5tlmx2uajomrvfsojyxawkgpsn0ererh8vvx4ihfxdzz2njppxedh97fvwzv.jpg)
युक्रेनका लागि इटालीकी प्रधानमन्त्री मेलोनीले दिइन् दृढ र स्पष्ट समर्थन
सङ्गठित अपराध, आतङ्कवाद लगायत बहुआयामिक चुनौती सामना गर्न समन्वय र सहकार्य आव…
विधिपूर्वक गणेशको पूजा आराधना गरी मनाइयो गणेश चतुर्थी
![एक हप्तामा ३० हजारभन्दा बढी अफगानी शरणार्थी स्वदेश फर्किए](https://snowberry.prixacdn.net/media/gallery_folder/afagani%2520saranathi_O5FwjA9HFX_ameqbgp7e69mfraql0keark8bnrbp9yphxd7rfmiteb9obj9n4myoupz0ygd_rVhmwNAPlJ_062llwxooklfkco9oetlsqbi2jlfln7hi1izrc51exegtohnmfdxyta1wtdt.jpg)
एक हप्तामा ३० हजारभन्दा बढी अफगानी शरणार्थी स्वदेश फर्किए
लामाचौर कप राष्ट्रिय भलिबलको उपाधि पुलिस क्लबलाई
![महर्षि मृकण्डका पुत्र मार्कण्डेयले कसरी सबैलाई नमस्कार गरेर चिरञ्जीवी बन्न सके ?](https://snowberry.prixacdn.net/media/gallery_folder/HARIBINOD%2520ADHIKARI%2520baa_Lu7Nu7a8lU_gsa9dlrk6ihyurzjrehy8flzf8k0doek24vaanfpevyny3wz0nagu1dvo305_EWknvAwpxn_axtbjdergo7tkko9zaa1cylzs4kbverqss7gakusmrycfwcumixhqzdq5kv5.jpg)
प्रतिक्रिया