टिपरले माइक्रो बसलाई ठक्कर दिँदा १३ जना घाइते

चितवनको कुरिनटारमा टिपरले माइक्रो बसलाई ठक्कर दिँदा १३ जना यात्रु घाइते भएका छन् । दुर्घटनामा घाईतेमध्ये तीन यात्रुको अवस्था गम्भीर रहेको छ । गम्भीर घाईतेमध्ये मध्ये २ जनालाई थप उपचारको लागि नयाँ मेडिकल कलेज भरतपुर र १ जनालाई काठमाण्डौ पठाइएको प्रहरीले जनाएको छ ।गम्भीर घाइतेलाई चितवनको पुरानो मेडिकल कलेजमा र सामान्य घाइतेहरुलाई कुरिनटारकै सहकारी अस्पतालमा उपचारका लागि पठाइएको इलाका प्रहरी कार्यालय मुग्लिनले जनाएको छ । कुरिनटारबाट मुग्लिन जाँदै गरेको बा ३ ख ६६१० नम्बरको माइक्रोलाई आज बिहान बा ४ ख ६४१७ नम्बरको टिपरले ठक्कर दिएको हो । ट्रक चालकलाई मुग्लिन प्रहरीले नियन्त्रणमा लिएको छ । उनी सकुशल छन् ।