सुर्खेतकाे कटकुवामा बस दुर्घटना, दुई जनाको मृत्यु

सुर्खेतमा आज दिउसो भएको बस दुर्घटनामा दुई जनाको मृत्यु भएको छ भने १५ जना यात्रु घाईते भएका छन ।  वीरेन्द्रनगरस्थित कपासे नजिकै भएको बस दुर्घटनामा दैलेखको डुंगेश्वर गाउँपालिका–६ का २२ बर्षीय भिमसेन राना र बर्दियाको ठाकुरबाबा नगरपालिका–३ का अन्दाजी ७० बर्षीय शेरबहादुर खड्काको मृत्यु भएको प्रहरीले जनाएको छ । दैलेखदेखि सुर्खेतको वीरेन्द्रनगर आउँदै गरेको कर्णाली प्रदेश ०२–००१ ख ०८५२ नम्बरको मिनी बस सुर्खेत–दैलेख सडक खण्डको काठकुवामा दुर्घटना भएको हो । घाईते १५ जनाको सुर्खेतमा उपचार भैरहेको छ । घाइतेमध्ये एक जना बाहेकको अवस्था सामान्य रहेको बताइएको छ । यसैविच कर्णालीका मुख्यमन्त्री यामलाल कडेलले अस्पताल पुगेर  घाइतेहरुको स्वास्थ्य अबस्थाबारे जानकारी लिएका छन । दुर्घटनाको यकिन कारण भने खुलिसकेको छैन । यात्रुहरुले भने ब्रेक फेल भएर सडकबाट तल खसेर बस रुखम अडकिएको बताएका छन ।