युएईविरुद्धको विश्वकप छनोटका नेपाली फुटबल टोली घोषणा

युएईविरुद्धको हुने विश्वकप छनोटको दोस्रो चरणको खेलका लागि प्रारम्भिक टोलीको घोषणा गरिएको छ । अखिल नेपाल फुटबल संघ एन्फाले मुख्य प्रशिक्षक भिन्सेन्जो अल्बर्टो एनेसेले मंगलबार आफ्नो २८ सदस्यीय टोली घोषणा गरेको जानकारी दिएको हो । नेपालले यहिँ जेठ २४ गते दशरथ रंगशालामा युएईको सामना गर्ने रहेको थियो ।  तर, रंगशालाको मापदण्ड नपुगेको भन्दै एसियन फुटबल महासंघ (एएफसी)ले खेल ‘न्युट्रल भेन्यु’मा गर्न निर्देशन दिएको छ । यसका लागि एन्फाले गृहकार्य गरिरहेको छ । नेपाल समूह ‘एच’ मा रहेको छ । यो समूहमा यूएई ४ खेलबाट १२ अंक जोड्दै शीर्ष स्थानमा छ । ९ अंक जोडेको बहराइन दोस्रो स्थानमा छ भने यमनको समान ४ खेलबाट ३ अंक जोडेको छ । नेपाल भने अंकविहीन रहेको छ ।