गणतन्त्रपछि कयौं गुणा बढी विकास भएको प्रधानमन्त्री दाहालको दाबी

प्रधानमन्त्री पुष्पकमल दाहालले संघीय लोकतान्त्रिक गणतन्त्र स्थापना भएपछि राजतन्त्रकालमा भन्दा कैयौँ गुणा बढी विकास भएको बताएका छन । आज नारायणी नदीमाथि निर्माण हुने ‘सिग्नेचर ब्रिज’को आज शिलान्यास गरेपछि  उनले तुलनात्मक अध्ययन नै नगरी देशमा केही हुँदैन भन्ने नकारात्मक भाष्य सिर्जना गर्नु गलत भएका बताएका हुन । प्रधानमन्त्री दाहालले अति विकसित र विकसित मुलुकसँग तुलना गरेर ‘नेपालमा केही भएन’ भन्ने नकारात्मक भाष्य निर्माण गर्न खोजिएको गुनासो गरे । 
प्रधानमन्त्री दाहालले सडक पूर्वाधार, शिक्षा, स्वास्थ्य, सञ्चार, खानेपानी, विद्युतजस्ता भौतिक पूर्वाधार लगायतको वकासका क्षेत्रमा समेत नेपालले राम्रो प्रगति गरिरहेको दाबी गरे । पछिल्लो राजनीतिक परिवर्तनपछि  ९० प्रतिशतभन्दा बढी सडक प्रयोगकर्ताहरू आफ्नो बासस्थानबाट १ घण्टाको पैदल यात्रामा पुग्नसक्ने अवस्था सिर्जना भएको उनको भनाइ छ । प्रधानमन्त्रीले चालु आर्थिक वर्षमा मात्र १ सय ४९ भन्दा बढी पुलहरू निर्माण गरिसकेको उनले जानकारी दिए । प्रधानमन्त्री दाहालले नागढुङ्गा र  मरिन डाइभर्सनले सुरूङयुगमा नेपाल प्रवेश गरेको राष्ट्रिय एवम् अन्तर्राष्ट्रिय सन्देश दिनुका साथै सन् २०२६ सम्म विकासशील मुलुकमा फड्को हान्ने लक्ष्यमा सकारात्मक योगदान पु¥याएको जिकिर गरे । पूर्व–पश्चिम राजमार्गअन्तर्गत उक्त पुलले वाग्मती प्रदेश र गण्डकी प्रदेशलाई जोड्ने ४ सय २० मिटर लम्बाइको पुलको निर्माण लागत १ अर्ब ६८ करोड रुपैयाँ छ ।