पूर्वराजा ज्ञानेन्द्र शाहको आज जुम्लाको खलंगामा नागरिक अभिनन्दन गरिदै

काठमाडौं । पूर्वराजा ज्ञानेन्द्र शाहको आज जुम्लामा नागरिक अभिनन्दन हुँदैछ ।  सदरमुकाम खलंगामा विशेष समारोहविच उनलाई नागरिक अभिनन्दन गर्ने कार्यक्रम छ । पूर्वराजाले जुम्लाको चन्दननाथ र भैरवनाथको दर्शन गर्ने कार्यक्रम पनि तय गरिएको छ । भ्रमणको तयारीका लागि राप्रपाका सांसद ज्ञानेन्द्र शाही एक सातादेखि जुम्लामा छन । पूर्वराजा कर्णाली र लुम्बिनीका जिल्लाको भ्रमणका लागि केही दिनअघि नेपालगञ्ज पुगेका थिए । केही समयदेखि उनले जनतासँग प्रतक्ष्य भेटघाटसँगै धार्मिक यात्रालाई तिब्रता दिएका छन । यसअघि उनले लुम्बिनी र मधेश प्रदेशका शक्तिपीठहरुको भ्रमण गरेका थिए ।