बाँकेको प्रखर क्यान्सर अस्पतालको सिटी स्क्यान मेशिन रहेको कोठामा आगलागी

काठमाडौं । बाँकेको खजुरास्थित सुशिल कोइराला प्रखर क्यान्सर अस्पतालको सिटी स्क्यान मेशिन रहेको कोठामा आगलागी भएको छ । रोडियोलोजी विभाग अन्तर्गत सिटि स्क्यान कोठामा विद्युत चुहावट भएर आगलागी भएको हो । आगलागीवाट अस्पतालको सिटी स्क्यान, अल्ट्रासाउण्ड, र एक्सरे मेशिनमा क्षती पुगेको सुशिल कोइराला प्रखर क्यान्सर अस्पतालले जनाएको छ । नेपालगन्ज उपमहानगरपालिकाको दमकल प्रहरी र स्थानीयले  आगो नियन्त्रणमा लिएका थिए । परीक्षण गर्ने उपकरणमा क्षति पुगेपछि उपचारका लागि अस्पताल पुग्ने कर्णाली, सुदुरपश्चिम र लुम्बिनीमा विरामी मारमा परेका छन । आगलागीबाट क्षती भएका मेशिनहरुको प्राविधिक टिमले अध्ययन गरेपछि मात्र क्षतीको एकिन हुने अस्पतालले जनाएको छ ।