कास्कीको अन्नपूर्ण गाउँपालिकाको भदौरेमा जिप दुर्घटना, दुई जनाको मृत्यु, १० जना घाइते

काठमाडौं । कास्कीको अन्नपूर्ण गाउँपालिका–४ भदौरेस्थित थामडाँडामा जिप दुर्घटना हुँदा दुई जनाको मृत्यु भएको छ । दुर्घटनामा परी १० जना घाइते भएका छन् । आइतबार दिउँसो  चार बजेतिर पोखराबाट सल्यानतर्फ जाँदै गरेको ग.१.ज. ५५४७ नम्बरको यात्रुवाहक जिप सडकबाट अन्दाजी २ सय ५० मिटर तल खस्दा दुई जनाको मृत्यु भएको प्रहरीले जनाएको छ । मृतकको पहिचान खुलेको छैन । जिपमा १२ जना सवार थिए । घटनास्थलबाट  घाइतेहरुलाई उपचारका लागि पोखरा ल्याइँदैछ । घटनास्थलबाट स्थानीय र नेपाल प्रहरीको सहयोगमा घाइते १० जनालाई उद्धार गरी पोखरा पठाइएको हो ।