अर्घाखाँचीको ढाकाबांगमा जीप दुर्घटना हुँदा दुई जनाको घटनास्थलमै मृत्यु

काठमाडौं । अर्घाखाँचीको ढाकाबांगमा जीप दुर्घटना हुँदा दुई जनाको घटनास्थलमै मृत्यु भएको छ । २ जना घाइते भएका छन् । भूमिकास्थान नगरपालिका–२ को ढाकावाङ्ग थापाडाँडामा लु १ ज १६७९ नम्बरको जीप दुर्घटना भएको हो। दुर्घटनामा दुई जनाको घटना स्थलमै मृत्यु भएको  १ नम्बर वडाका अध्यक्ष गोपाल खनालले बताए । दुर्घटनामा भूमिकास्थान–२ मुलटंकीका अन्दाजी ३२ वर्षीय देवा बेल्वासे र सन्धिखर्क ८ खापडाँडाका अन्दाजी ४० वर्षीया डेमकला बेल्वासेको मृत्यु भएको स्थानीय टेकराज भुसालले बताएका छन् । त्यस्तै घटनामा पणेना–१ का कपिला खनाल पोख्रेल र सर्मिक पोख्रेल घाइते भएका छन्। घाइतको अवस्था सामान्य रहेको र उपचारका लागि सन्धिखर्क पठाइएको छ । घटनाबारे अनुसन्धान भैरहेको प्रहरीको भनाइ छ । गाडी करिब १५० मिटर तल झरेको थियो ।