पर्साकाे चाफी गाउँमा जंगली हात्तीको आतंक

पर्साको पटेर्वा सुगौली गाउँपालिका वडा नम्बर दुईको चाफी गाउँमा जंगली हात्तीले आतंक मच्चाएको छ । गएराति जंगली हात्तीले चार पाँच जना गरिब असहायको घर तोडफोड गर्नुको अन्नपात, नगदेवालीमा क्षति गरेको हो । पर्सा राष्ट्रिय निकुञ्ज तथा डिभिजन वन कार्यालय पर्सालाई सो विषयमा जानकारी गराउदा समेत हालसम्म कुनै पहल नभएको भन्दै स्थानीय आक्रोशत भएका छन । 
बिगत एक हप्ता देखि उक्त पटेर्वा सुगौली गाउँपालिकाको चाफी टोलमा जंगली हात्तीको आतंकले पुरै गाउँबासी नै त्रसित रहेको र रातभरि सुत्न समेत नपाइएको पीडितको भनाइ छ । 
जंगली हात्तीले घर टहराहरु तोडफोड गर्नुको साथै घरमा रहेको खाद्यान्न समेत नष्ट गरेपछि स्थानीयलाई गुजारा चलाउन समेत मुस्किल परेको छ । हात्तीले काउली खेती, केरा बारी र नगदे बालीपनि नष्ट गरेको छ । स्थानीयले जंगली हात्ती नियन्त्रणका लागि निकुञ्जको ध्यानाकर्षण गराएका छन ।