पूर्वराजा शाहलाई आज वीरगञ्जमा नागरिक अभिनन्दन गरिँदै

काठमाडौं । पूर्वराजा ज्ञानेन्द्र शाहलाई आज वीरगञ्जमा नागरिक अभिनन्दन गरिँदै छ । विभिन्न नौ वटा संघ संस्थाहरुले सामुहिक रुपमा वीरगञ्जस्थित लाल यगलामा पूर्व राजाको अभिनन्दन गर्न लागेका हुन् । राजा सहितको प्रजातन्त्र तथा २०४७ सालको संबिधान पुनः व्युताउन अपरिहार्य भएकाले अभिनन्दन गर्न लागिएको आयोजकको भनाइ छ । पूर्व राजा शाह पुस २३ गतेदेखि बाराको सिमरामा बस्दै आएका छन । उनले यसअघि बारा, पर्सा, रौतहट र सर्लाही र मकवानपुरमा भएका धार्मिक कार्यक्रममा सहभागिता जनाएका थिए । उसले पुस २८ गते सर्लाहीको बरथवा मुक्तेश्वर महादेव मन्दिरमा पूजा अर्चना गरेका थिए । त्यसैगरि माघ दुईमा रौतहटको शिवनगरस्थित शिव मन्दिरमा र माघ चारमा बाराको महागढीमाई मन्दिरमा पूजा अचर्ना गरेका थिए । गत आइतबार उनले मकवानपुरका विभिन्न धार्मिक स्थलको भ्रमण गरेका थिए ।