गठन्धनका उन्नाइस उम्मेदवारलाई जिताउन सात दलका नेताको संयुक्त अपिल

सत्ता गठबन्धनले राष्ट्रिय सभा निर्वाचनमा गठबन्धनका उम्मेदवारहरूलाई विजयी बनाउन अपील गरेको छ । सत्ता गठबन्धनमा आबद्ध सात दलका शीर्ष नेताको आज बिहान बालुवाटारमा भएको बैठकपछि एक विज्ञप्ति जारी गर्दै गठबन्धनको तर्फबाट बनाएका उम्मेदवार सबैका साझा उम्मेदवार भएकाले जिताउन अपील गरेका हुन । विज्ञप्तिमा निर्वाचन गठबन्धनलाई अझ संगठित र बलियो बनाउँदै देशमा राजनितिक स्थायित्व थप सुनिश्चित गर्ने अवसर भएको उल्लेख छ । निर्वाचन गठबन्धनलाई अझ संगठित र बलियो बनाउँदै देशमा राजनितिक स्थायित्व थप सुनिश्चित गर्ने अवसर भएको शीर्ष नेताको भनाइ छ । देशमा दिगो शान्ति, सुशासन, विकास, समृद्धि र सामाजिक न्याय प्राप्त गर्ने गठबन्धनको साझा लक्ष्य रहेको गठबन्धनको भनाइ छ  । लोकतान्त्रिक गणतन्त्रात्मक प्रणालीको सुदृढीकरण, राजनीतिक स्थीरता, दिगो शान्ति, शुसासन र समृद्धिका लागि समेत गठबन्धनले प्रतिबद्धता जनाएको छ । 
सत्तारुढ चार दलले राष्ट्रिय सभाको रिक्त हुने १९ सिट बाँडफाँट गरेर उम्मेदवारी दिएका छन् ।