कोसी प्रदेशको सभामुखमा राप्रपाका विष्ट निर्वाचित

कोसी प्रदेशको सभामुखमा राष्ट्रिय प्रजातन्त्र पार्टी राप्रपाका अम्बरबहादुर विष्ट निर्वाचित भएका छन् । कोसी प्रदेशसभाको आज बसेको बैठकले विष्टलाई सर्वसम्मत रूपमा सभामुख चयन गरेको हो । विष्टलाई सभामुख बनाउन राप्रपा कोसी प्रदेश संसदीय दलका नेता भक्तिप्रसाद सिटौलाले प्रदेशसभा बैठकमा प्रस्ताव पेस गरेका थिए । उनको प्रस्तावलाई राप्रपा सांसद प्रेमराज थाम्सुहाङले समर्थन गरेका थिए । सो प्रस्तावमा दलहरूले सर्वसम्मतिले पारित गरेको हो ।  गठबन्धनको सरकार गठन प्रयोजनका लागि तत्कालीन सभामुख बाबुराम गौतमले साउन १६ गते आफ्नो पदबाट राजीनामा दिएका थिए । त्यसयता पाँच महिनादेखि रिक्त कोशी प्रदेशको सभामुख रिक्त थियो ।