बर्नलीलाई हराउदै लिभरपुल इङलिस प्रिमियर लिगको शीर्ष स्थानमा

लिभरपुल इंग्लिस प्रिमियर लिगको शीर्ष स्थानमा फर्किएको छ । गएराति भएको खेलमा लिभरपुलले बर्नलीमाथि २ – ० गोलको जित हात पार्दै शीर्ष स्थानमा पुगेको हो । लिभरपुलका लागि डाविड नुनियाज र डिएगो जोटाले गोल गरे । पहिलो स्थानमा रहेको लिभरपुलको १९ खेलबाट ४२ अंक छ । जुन दोस्रो स्थानको आर्सनल भन्दा २ अंकले अघि र आर्सनलले एक खेल कम खेलेको छ । बर्नली भने रेलिगेसनबाट बच्न संघर्षरत छ । १९ औं स्थानमा रहेको उसको ११ अंक छ ।   अर्को खेलमा म्यानचेस्टर युनाइटेडले एस्टन भिल्लालाई ३ – २ गोलले पराजित गरेको छ । युनाइटेडको जितमा रास्मस हइलुन्डले दुई र अलेहान्द्रो गारान्चोले एक गोल गरे । एस्टन भिल्लाका लागि जना मिक्गिन र लियन्डर डेन्डोन्करले एक एक गोल गरे । तालिकाको छैटौँ स्थानमा रहेको युनाइटेडको १९ खेलबाट ३१ अंक छ । तेस्रो स्थानको भिल्लाको ३९ अंक छ । गएराति नै भएका खेलमा नटिङघम फरेस्टले न्युक्यासललाई ३ – १ ले हराउँदा बर्नमाउथले फुलह्यामलाई ३ – ० गोलले पराजित ग¥यो । लुटन टाउनले शेफिल्ड युनाइटेडमाथि ३ – २ गोलको जित हात पारेको छ ।