पूर्वराजा शाह पश्चिम नेपालको भ्रमणका लागि भैरहवामा

पूर्वराजा ज्ञानेन्द्र शाह आज पश्चिम नेपालको भ्रमणमा गएका छन् । नेपालको पश्चिम र मध्य क्षेत्रको केही जिल्लाको भ्रमणका लागि आज पूर्वराजा शाह भैरहवा पुगेका हुन् । पूर्वराजा शाहको भ्रमणमा उनकी पत्नी कोमल पनि सहभागी भएकी छन् । भ्रमणका क्रममा पूर्वराजाले शुभचिन्तकसँग भेटघाट गर्नुका साथै केही धार्मिक स्थलको समेत अवलोकन गर्ने बताइएको छ । उनको भैरहवामा नागरिक अभिनन्दन पनि हुने कार्यक्रम छ । केही समयअघि पूर्वराजाले झापाको भ्रमण गरेका थिए ।