कोशीद्वारा मधेश प्रदेश ६० रनले पराजित

 

कोशी प्रदेशले प्रधानमन्त्री कप महिला टि ट्वान्टी राष्ट्रिय प्रतियोगितामा मधेश प्रदेशलाई ६० रनले हराएको छ । लगातार तेस्रो जितसँगै कोशीले शीर्ष चारमा रहँदै प्लेअफ खेल्ने सम्भावना बलियो बनाएको छ । त्रिवि मैदान कीर्तिपुरमा जितको लागि १ सय ३० रनको विजयी लक्ष्य पछ्याएको मधेश २० ओभरमा ९ विकेट गुमाउँदै ६९ रनमा समेटियो । अव सोमबार कोशीले एपिएफसँग खेल्नेछ भने मधेशले गण्डकीसँग खेल्नेछ । मुलपानी क्रिकेट मैदानमा भएको अर्को खेलमा एपीएफले लुम्बिनी प्रदेशलाई ९० रनले हराएको छ । मुलपानी क्रिकेट मैदानमा भएको खेलमा पहिला ब्याटिङ गरेको एपीएफले निर्धारित २० ओभरमा ३ विकेट गुमाएर एक सय ५१ रन जोडेको थियो । जवाफी ब्याटिङ गरेको लुम्बिनीले निर्धारित २० ओभरमा ९ विकेट गुमाएर ६१ रनमै समेटियो । जितपछि कोशीलाई नेट रनरेटमा पछाडि पार्दै एपीएफ ६ अंकसहित पहिलो स्थानमा छ । समान अंक भएको कोशी दोस्रो स्थानमा छ ।।