मंसिरमा वैदेशिक रोजगारीमा जाने कामदारको संख्या उच्च

मंसिर महिनामा वैदेशिक रोजगारीमा जाने नेपाली कामदारहरूको संख्या सबैभन्दा उच्च देखिएको छ  । वैदेशिक रोजगार विभागको तथ्यांक अनुसार वैदेशिक रोजगारीमा जाने नेपालीहरूको संख्या मंसिर महिनामा उच्च देखिएको हो । मंसिरमा नयाँ र पुन श्रम स्वीकृति मार्फत वैदेशिक रोजगारीमा जानेको संख्या ७१ हजार २ सय ७६ रहेको विभागले जनाएको छ ।  मंसिर महिनामा वैदेशिक रोजगारीमा जाने नेपालीहरूको सर्वाधिक रोजाइमा युएई रहेको छ । गत वर्षको मंसिर महिनामा ६८ हजार ६ सय २२ को संख्यामा नेपालीहरू वैदेशिक रोजगारीमा गएका थिए । जुन अहिलेको अघिल्लो महिनाको तुलनामा ३ हजारले कम हो । नेपाल राष्ट्र बैंकको तथ्याङ्क अनुसार चालु आर्थिक वर्षको पहिलो चार महिनामा विदेश पढ्न जाने नेपाली विद्यार्थीहरूमार्फत करिब ३८ अर्ब ४४ करोड रुपैयाँ विदेशिएको छ । गत आवको सोही अवधिमा सो रकम करिब २२ अर्ब ६१ करोड रुपैयाँ रहेको थियो ।