बुटवलमा छरपस्ट तारको व्यवस्थापन सुरु

रुपन्देहीको बुटवलमा छरपस्ट रुपमा रहेको तार व्यवस्थापन सुरु भएको छ । बुटवलको  मुख्य  बजार र  भित्रि  भागमा असरल्ल अवस्थामा रहेको तार स्थानीय लखन ब्रदर्श युवा क्लवले व्यवस्थित बनाउन सुरु गरेको हो । क्लबले केही दिनदेखि भुड्की चोक प्रगति टोल, भाटभटेनी लाईन, दशरथपथ, फाइनान्स लाईन, सिटजन लाईन लगायतको तार व्यवस्थित गरिरहेको छ ।  
बुटवल सफा सुन्दर नगर भनिएपनि सो अनुसार काम नभएपछि क्लबले व्यवस्थापनमा सक्रियता देखाएको हो । नगर क्षेत्रमा अव्यवस्थित रुमा रहेको तार हटाउन दुरसंञ्चार, इन्टरनेट सेवा प्रदायक र बुटवल उपमहानगरपालिकाले समेत चासो दिएको थिएन । क्लबले वडा कार्यालयको स्वीकृति लिएर गरेको तार व्यवस्थापनको नगरवासीले समेत प्रशंषा गरेका छन ।