नेपालीमा राम्रा कुरा नदेख्ने र नकारात्मक प्रचार गर्ने बानी बस्योे: प्रधानमन्त्री दाहाल

प्रधानमन्त्री पुष्पकमल दाहालले गणतन्त्र विरोधीहरूले नकारात्मक भाष्य निर्माण गरेर भ्रम छर्ने काम गरेको गुनासो गरेका छन । आज ललितपुरको महानगरपालिकाको १०५ औँ स्थापना दिवसलाई सम्बोधन गर्दै उनले नकारात्मक सोच अन्त्य गरी सकारात्मक सोच राख्न आग्रह गरेका हुन । प्रधानमन्त्री दाहालले गलत सोचको फेसन बसेपछि जति राम्रो गरे पनि राम्रो कामको मूल्याङकन नहुने उल्लेख गरे । 
प्रधानमन्त्री दाहालले  प्रदेश र स्थानीय तहलाई बलियो बनाउनका लागि मैले फरक ढङ्गले काम गर्न लागेको जानकारी दिए । उपत्यकामा देखिएका फोहोर व्यवस्थापनका लागि सरकारले गम्भीर रूपमा लिएको उनले बताए ।