नेपाली युवाले बनाए इलेक्ट्रिकल बाइक

काठमाडौ । सोलुखुम्बु जिल्लाको लिखुपिके गाउँपालिका वडा नम्बर (५ स्थित चन्द्रज्योती माबिमा कक्षा (९ मा अध्ययनरत आशिष बिकले इलेक्ट्रोनिक मोटरसाइकल निर्माण गरेर सफल परिक्षण गरेका छन ।
पढाइमा मध्यम अवस्थाका बिकले कमजोर आर्थिक स्थिति हुदाहुदै सबैलाई चकित पारेर मोटरसाइकल बनाएपछि अहिले उनको चर्चा चुलिएको प्रधानाध्यापक ल्हाक्पा शेर्पाले बताए ।
वडा, पालिका तथा अन्य संघसंस्थाले आर्थिक सहयोग गरेमा आफुले मोटरसाइकल बनाएर बजारमा ल्याउने बिकले जानकारी दिए ।
यसतर्फ सबैले ध्यान दिएर सहयोग गरे बिकको मेहनतले सार्थकता पाउने देखिन्छ । देशका दुरदराजमा भएका यस्ता प्रतिभालाई राज्यले समयमै चिन्नसके राज्यलाई  फाइदा हुनसक्छ ।