राष्ट्रिय सभा निर्वाचनका लागि दल दर्ताको समय आज सकिदै

निर्वाचन आयोगले आगामी माघ ११ गते तय गरिएको राष्ट्रियसभा सदस्य निर्वाचनका लागि राजनीतिक दल दर्ताका लागि दिएको समय आज सकिँदै छ । निर्वाचनमा सहभागी हुन इच्छुक दलले आज कार्यालय समयभित्र दल दर्ता गरिसक्नु पर्ने आयोगले जनाएको छ । दल दर्ताका लागि मंसिर २४ देखि आजसम्मको समय दिइएको छ । आगामी फागुन २० गतेदेखि राष्ट्रियसभा सदस्यका २० पद रिक्त हुँदैछ । माघ ११ गते १९ पदका निम्ति निर्वाचन हुनेछ। एक पदमा भने राष्ट्रपतिले मनोनयन गर्ने प्रावधान छ ।