सभामुख र राष्ट्रिय सभा अध्यक्षको नेतृत्वमा मैत्रीपूर्ण फुटसल

संसद सेवा दिवसको अवसरमा आज मैत्रीपूर्ण फुटसल भएको छ । काठमाडौंमा प्रतिनिधि सभा सभामुख र राष्ट्रिय सभा अध्यक्षको नेतृत्वमा मैत्रीपूर्ण फुटसल भएको हो । सो क्रममा सभामुख देवराज घिमिरेले युवापुस्तालाई उत्साहित तुल्याउन फुटसलको आयोजना गरिएको जानकारी दिए । 
राष्ट्रिय सभा अध्यक्ष गणेशप्रसाद तिमिल्सनाले देशको विकासको लागि खेल अनुशासन र लगनशीलताका साथै व्यक्तिको प्रतिभा अघि बढाउने र राष्ट्रको पहिचान फैल्याउने कुरा भएको बताए । 
त्यस्तै प्रतिनिधि सभा उपसभामुख इन्दिरा रानाले यस्ता कार्यक्रम संसद सदस्यहरुका लागि महिनामा एक पटक राख्नुपर्ने बताइन । 
फुटसलमा प्रतिनिधि सभाको टिमको नेतृत्व सभामुख घिमिरे र राष्ट्रिय सभा टिमको नेतृत्व अध्यक्ष तिमिल्सिनाले गरेका थिए । खेलमा प्रतिनिधि सभाले राष्ट्रिय सभालाई चार शुन्यले पराजित गरेको छ ।