सुनको मूल्य तोलामा सात सय रुपैयाले घट्यो

सुनको मूल्यमा आजपनि प्रति तोला सात सय रुपैयाले गिरावट आएको छ । आज लगातार तेस्रो दिन सुनको मूल्य घटेको हो । नेपाल सुनचाँदी व्यवसायी महासंघका अनुसार आज छापावाल सुन तोलाको १ लाख १६ हजार ३ सय रुपैयामा कारोबार भएको छ । त्यसैगरी तेजाबी सुन तोलाको १ लाख १५ हजार ७ सय ५० मा कारोबार भएको छ । चाँदीको मूल्य भने स्थिर छ । महासंघका अनुसार चाँदी एक हजार ४ सय १० मा कारोबार भइरहेको छ ।