सुनको मूल्य तोलामा पाँच सय रुपैयाँले घट्यो

नेपाली बजारमा आज सुनचाँदी मूल्य घटेको छ । नेपाल सुनचाँदी व्यवसायी महासंघकाअनुसार आज छापावाल सुनको मूल्य तोलामा पाँच सय रुपैयाँ घटेको छ । बजारमा छापावाल सुन प्रतितोला एक हजार १७ हजार हजार रुपैयाँमा कारोबार भइरहेको महासंघले जनाएको छ । यस्तै आज तेजाबी सुनको मूल्य पनि पाँच सय रुपैयाँ घटेर प्रतितोला एक लाख १६ हजार ४ सय ५० रुपैयाँ कायम गरिएको छ ।  चाँदीको मूल्य पनि १५ रुपैयाँ घटेर एक हजार ४१० रुपैयाँमा कारोबार भइरहेको महासंघले जनाएको छ । मंसिर १८ गते हालसम्मकै उच्च प्रतितोला एक लाख २१ हजार ६ सय रुपैयाँ पुगेको सुनको मूल्य त्यसयता भने घट्दै आएको छ ।