रास्वपाद्धारा संसदीय दलको बैठक आह्वान

राष्ट्रिय स्वतन्त्र पार्टी रास्वपाले संसदीय दलको बैठक आह्वान गरेको छ । रास्वपाले संसदीय दलको कार्यालय सिंहदरबारमा आज दिउँसो चार बजेका लागि बैठक बोलाएको हो । बैठकमा संसदीय दलको विधान, संसद्को आगामी अधिवेशन र अन्य विविध प्रस्तावमाथि छलफल हुने बताइएको छ । संसद्को हिउँदे अधिवेशन सुरु गर्ने समय भएको र सो अधिवेशनमा संक्रमणकालीन न्याय, विद्यालय शिक्षा लगायत विधेयकमाथि महत्वपूर्ण छलफल आवश्यक भएकाले बैठक डाकिएको रास्वपाले जनाएको छ ।