सरकार एमालेको विरोध गर्ने काममा मात्रै लागेको ओलीको आरोप

नेकपा एमालेका अध्यक्ष एवं पूर्वप्रधानमन्त्री केपी ओलीले वर्तमान सरकार एमालेको बिरोध गर्ने काममा मात्रै लागेको आरोप लगाएका छन् । शुक्रवार पोखरामा आयोजित महाकाली—मेची अभियानअन्तर्गत आयोजित कार्यक्रमलाई सम्बोधन गर्दै अध्यक्ष ओलीले सरकारले एमालेको विरोध गर्ने र देशको शिर निहुराउने काम मात्रै गरेको आरोप लगाएका हुन् । उनले गठबन्धन सरकार विकास निर्माण र जनताको पक्षमा नरहेको दाबी समेत गरे । उनले समृद्ध नेपाल सुखी नेपाली बनाउनका लागि एकल महुमत आवश्यक पर्ने भएकाले एमालेले मिसन ०८४ अघि सारेको पनि बताए । 
अध्यक्ष ओलीले एमाले अहिलेका समस्या समाधानका लागि जनताको आवाज सुन्न महाकाली—मेची यात्रामा निस्किएको पनि बताए ।