विराटनगरको कवाडी गोदाममा भीषण आगलागी, दुई जनाको मृत्यु

विराटनगरमा कवाडी गोदाममा आगलागी हुँदा मृत्यु हुनेको संख्या दुई पुगेको छ । विराटनगर महानगरपालिका–७ सातघुम्तीमा कर्कटपाताको छानो भएको कवाडी गोदाममा आज दिउँसो आगलागी भएको हो । आगलागीमा परेर गोदामकै कामदार विराटनगर–६ का दीपक मण्डलको मृत्यु भएको हो । अर्का एकजना मृतकको पहिचान खुल्न सकेको छैन । मृतक गोदामकै कामदार भएको बताइएको छ । आगलागीमा परेर पाँच जना घाईते भएका छन । घाइतेमध्ये दुई जनाको अवस्था गम्भीर रहेको छ । घाईतेहरुको स्थानीय अस्पतालमा उपचार भैरहेको छ । आगलागीको कारण खुल्न नसकेको प्रहरीले जनाएको छ ।