गाजामा हमासले बन्धक बनाएका थप आठ बन्धक रिहा
![](https://snowberry.prixacdn.net/media/gallery_folder/images_iZq9GsPhHw_gr8qtsqoeagngwzqqzylftt8tpb1fh2goemi5yezoozmzupg9iyzq3r4vc2j_L5QLlhAYYD_ollzjom5fqvxhtbwuj1l9swha2fglxoro3aoxfnk3hzzfclqk9noaonftpuk.jpg)
इजरायल र हमासबीचको जारी युद्धविराम थप गर्ने विषयमा भइरहेका छलफल सकारात्मक देखिएको छ । कतारको मध्यस्थतामा जारी छलफललाई निश्कर्षमा पु¥याउन अमेरिकाले समेत जोड दिइरहेको छ । नागरिकको जीवन रक्षाका लागि पनि इजरायल थप गम्भिर हुनुपर्ने अमेरिकाको भनाइ छ । मध्यपूर्वी मुलुकको भ्रमणमा रहेका अमेरिकी विदेशमन्त्री एन्टोनी ब्लिन्केनले नागरिकको हितका लागि इजरायलले अस्थायी युद्धविरामका लागि लचिलो हुनु पर्ने बताएका हुन । कतार, इजिप्ट र इजरायलसँग अमेरिकाले थप युद्धविरामका लागि वार्ता गरिरहेका ेछ । यसैबीच अस्थायी युद्ध विरामको छैटो र सातौं दिन हमासले दश जना नागरिक मुक्त गरेको इजरायलले जनाएको छ । इजरायलले भने ३० प्यालेस्टिनीलाई रिहा गरेको छ । हमासले एक जना बन्धक रिहा गरेबापत इजरायलले तीन जना प्यालेस्टिनी कैदीलाई छाड्ने सहमति भएको थियो । युद्धविरामकै बीच इजरायलको पश्चिम जेरुसेलमको एउटा बस स्टेसनमा दुई प्यालेस्टाइनी बन्दुकधारीले अन्धाधुन्ध गोली चलाउँदा तीनजनाको मृत्यु भएको छ । घटनामा कयौं मानिस घाइते भएको भनिए पनि संख्या यकिन गरिएको छैन। आक्रमणकारी इजरायली सेनाको कारबाहीमा मारिएका छन । हमास र इजरायलबीच बन्धकहरूलाई लिएर भएको सम्झौता गएको शुक्रवारदेखि लागू भएको हो । अक्टोबर ७ तारिखमा इजरायलमा हमासले गरेको आक्रमणमा १ हजार दुई सय सय जनाको मृत्यु भएको थियो । सो क्रममा उसले दुई सय ४० जनालाई बन्धक बनाएको थियो । त्यसयता इजरायलको प्रतिआक्रमणमा झन्डै छ हजार बालबालिकासहित १४ हजार आठ सय जनाभन्दा धेरै मानिस मारिएका छन ।।
![पहिरोले कर्णाली राजमार्ग अवरुद्ध](https://snowberry.prixacdn.net/media/gallery_folder/pahiro_sdOHAp239K_fr1xzkr2q6bcvxzubl5wuq45gqj6ajm3rgbxgeqyqrpxohqopev1pa7svkhy_gexyqQtx1t_jq79i8tql1pks5zn4rymhh8jxqjrzzar1mlytrmxhbnymtx1nomps25vopzv_et3s250CM9_ntwaftxegn2giflitcyijrymlbxdybin8mnejmktmjyonultyjxnalpdtpex_mHKNYv12Rb_xuiyxnchhk29dyyb7tul2dbgspknvywjrh4x18bvrgrjahls5j4zzkdhqbtr.jpg)
पहिरोले कर्णाली राजमार्ग अवरुद्ध
बाँकेमा झाडाबान्ताका कारण १ जनाको मृत्यु
![यस्तो छ आजको विनिमय दर](https://snowberry.prixacdn.net/media/gallery_folder/paisa_gIfk6sZ9Ed_ght2afcxjfjlhaakujccgocbogrc4f4leastkgy9yo3p5sxouaxx3zatpox5_7dfqcXVjc2_g3b0bmzysludwxxyxfow75pwdxfgzuhj4bemthzadxcaxyh7frmwxodkwar0_ow74LDNcs3_rzyp2bsv1ajfluwmrfewsifw9amffojfe5bat3o9tuiorwax8sw6ve5gber6_ysFGUdPSTZ_vutljbfqrfrv9wtm2w9h73p7usynxb1fgd4iakfxeqwgczmtok073irryb1p.jpg)
प्रतिक्रिया