ऋण मुक्त भयो आयल निगम

नेपाल आयल निगम ऋण मुक्त भएको छ । करिब ५० अर्ब रुपैयाँ रहेको निगमलै सबै ऋण चुक्ता गरेको हो । सरकारलाई बुधबार अन्तिम किस्ता बापतको ७० करोड रुपैयाँ बुझाएसँगै निगम ऋण मुक्त भएको हो । पेट्रोलियम पदार्थ खरिद बापतको २४ अर्ब रुपैयाँ यसअघि नै निगमले चुक्ता गरिसकेको थियो । पछिल्लो समय उसले नेपाल सरकारबाट ७ अर्ब र राष्ट्रिय वाणिज्य बैंकबाट ३ अर्ब ऋणपनि चुक्ता गरेको हो । ऋण चुक्ता गरेपनि पनि निगमले मुल्य समायोजन भने गरेको छैन । निगमले अहिले निगमले पेट्रोलमा ३ रुपैयाँ र डिजेलमा २ रुपैयाँ नाफा लिँदै आएको छ । निगमले असारदेखि स्वचालित मूल्य प्रणाली लागू गरेपनि असोजदेखि त्यो प्रणाली कार्यान्वयनमा ल्याइएको छैन । स्वचालित मूल्य प्रणाली कार्यविधिअनुसार बिक्री मूल्य निर्धारण गर्दा पेट्रोलमा २ दशमलव ५ प्रतिशत र डिजेलमा २ प्रतिशत मात्र मुनाफा निगमले राख्ने गरेको छ ।।