सातै प्रदेशका गृहमन्त्रीहरुले संघ सरकारसँग छलफल गर्दै

सातै प्रदेशका गृहमन्त्रीहरुले आज संघ सरकारसँग छलफल गर्ने भएका छन । प्रहरी समायोजन माग गर्दै आज सातै प्रदेशका गृहमन्त्रीहरूले उपप्रधान तथा गृहमन्त्री नारायणकाजी श्रेष्ठलाई  भेटन लागेका हुन । दिउसो साढे तीन बजे मन्त्रालयमा प्रदेश गृह मन्त्रालयमा देखिएका समस्या लगायतका विषयमा छलफलको तयारी छ । भेटमा प्रहरी समायोजनसहित प्रदेशको शान्ति सुरक्षाबारे छलफल हुने गृहमन्त्रीको सचिवालयले जनाएको छ । संघीय सरकारले संघीय प्रहरी ऐन नबनाएका कारण प्रदेशले बनाएका कानुन लागू हुन सकेका छैनन । प्रदेश सरकारहरू बनेको ६ वर्ष भइसक्दा पनि प्रदेशको आफ्नै प्रहरी नहुँदा कार्यसम्पादनमा असर परेको गुनासो प्रदेश सरकारले गर्दै आएका छन । मधेस सरकारले त केन्द्रीय सरकारविरुद्ध आन्दोलन समेत घोषणा गरेको छ ।