पूर्वराजा शाहले आज झापामा पृथ्वीनारायणको शालिक अनावरण गर्दै

काठमाडौं । पूर्वराजा ज्ञानेन्द्र शाहले आज झापाको बिर्तामोडमा पृथ्वीनारायण शाहको शालिक अनावरण गर्दैछन ।  पूर्व राजा शाहले बिर्तामोड पञ्चकन्यास्थित इकम कलेजको उद्घाटन तथा पृथ्वी नारायण शाहको सालिक पूर्वराजाले अनावरण गर्ने भएका हुन । कार्यक्रमका क्रममा राजावादीहरूले शक्ति प्रदर्शन समेत गरेका छन् । धुलाबारी नजिकै निन्जाखोलाको पुल वारीबाट राप्रपासहित राजावादीहरुले विशाल मोटरसाइकल ¥याली निकालेका छन् । 
पूर्वराजा शाह नागरिकको स्वागत अभिनन्दनमा सहभागी भएपछि इकम कलेज पुग्ने छन् । त्यहाँ पृथ्वीनारायण शाहको शालिक अनावरण गर्ने कार्यक्रम छ । पूर्वराजाले स्थानीय बुद्धिजिवी र नेताहरुसँग भेटघाट र भलाकुसारी गर्ने कार्यक्रम पनि छ । झापामा पूर्वराजाको भ्रमण सफल र भव्य बनाउन सबै तयारी राप्रपाले गरेको छ । राप्रपा अध्यक्ष राजेन्द्र लिङ्देनले डेढ सातादेखि झापामै बसेर भ्रमणको तयारी गरेका हुन् ।