नेपाल सुपर लिग फुटबलको दोस्रो संस्करण आजबाट शुरु हुँदै

नेपाल सुपर लिग एनएसएलको दोस्रो संस्करण आजदेखि सुरु हुँदैछ ।  नेपाल स्पोर्ट्स एण्ड इभेन्ट म्यानेजमेन्टका अनुसार आज साँझ दशरथ रंगशालामा भव्य उद्घाटन हुने तालिका छ । उदघाटन समारोहमा लोकप्रिय गायक सुशान्त केसीले प्रस्तुती दिनेछन् । मनोरञ्जनात्मक प्रस्तुती भने साँझ ४ बजेपछि सुरु हुनेछ । प्रतियोगिताको उदघााटन खेल साविक विजेता काठमाडौं रेजर्स र नवप्रवेशी स्पोर्टिङ इलाम एफसीबीच साँझ छ बजे  हुनेछ । प्रतियोगितामा अघिल्लो संस्करणका ६ र ३ नयाँ टोली गरि ९ टोलीले ४० खेलमा प्रतिस्पर्धा गर्नेछन । पहिलो संस्करणका काठमाडौं रेजर्स, ललितपुर सिटी एफसी, एफसी चितवन, धनगढी एफसी, बुटवल लुम्बिनी एफसी र पोखरा थन्डर्ससहित तिन नयाँ झापा एफसी, विरगन्ज युनाइटेड एफसी र स्पोर्टिङ्ग मेची डे इलाम गरि ९ टोलीले दोस्रो संस्करणमा स्पर्धा गर्ने भएका हुन । प्रतियोगिता पुस २१ गतेसम्म काठमाडौंको दशरथ रंगशालामा हुनेछ । रंगशालाको सामान्यतर्फ २ सय र भीआइपी तर्फ ५ सय रुपैयाँ टिकट दर तोकिएको छ ।