आईओसीबाट मूल्य घटेर आए पनि निगमले मूल्य घटाएन

इन्डियन आयल आयल कर्पोरेसन आईओसी बाट डिजेलको मूल्य घटेर आए पनि नेपाल आयल निगमले मूल्य घटाएको छैन। डिजेलको मूल्य लिटरमा ७ रुपैयाँ र पेट्रोलमा ८० पैसा घटेर आए पनि ग्यासमा प्रति सिलिन्डर २ सय ८० रुपैयाँ घाटा भएको भन्दै निगमले मूल्य नघटाएको हो । मूल्य घटेर आउँदा निगमलाई डिजेलमा ३४ करोड रुपैयाँ नाफा भए पनि ग्यासमा ३४ करोड नै घाटा रहेकाले मूल्य समायोजन नगरेको निगमको भनाइ छ । आईओसीबाट हरेक १५–१५ दिनमा नयाँ मूल्य आएका आधारमा मूल्य निर्धारण हुने भएपनि नियमले त्यसलाई स्वचालित बनाएको छैन । निगमलाई पछिल्लो समय आईओसीबाट प्राप्त मूल्यमा २३ करोड नाफा रहेको छ । सरकारलाई ऋण तिर्न बाँकी रहेकाले घाटा पूर्ति गर्न मूल्य समायोजन नगरेको निगमको भनाइ छ । सरकारलाई ७० करोड रुपैयाँ ऋण तिर्न बाँकी रहेको छ ।