गाजामा इजरायली आक्रमणमा थप तीन पत्रकार मारिए

गाजामा इजरायली आक्रमणमा थप तीन पत्रकार मारिएका छन् ।  गाजामा एक प्रमुख मिडिया संस्थाका प्रमुख र दुई अन्य पत्रकार सप्ताहन्तमा मारिएका हुन । आइतबार मात्रै बेलाल जदल्लाह, एक पत्रकार र प्यालेस्टाइन प्रेस हाउसका बोर्ड प्रमुख मारिएका हुन । उनको फार्मासिस्ट भाइ गम्भीर घाइते भएका छन । जदल्लाह बाहेक दुई स्वतन्त्र पत्रकारहरू हसौना स्लीम र सारी मन्सुर शनिबार गाजा पट्टीको केन्द्रमा रहेको बुरेज शरणार्थी शिविरमा इजरायली आक्रमणमा मारिएका छन । न्यूयोर्कमा रहेको कमिटी टु प्रोटेक्ट जर्नालिस्टले अक्टोबर ७ इजरायलमा हमासको आक्रमण र त्यसपछिको इजरायली आक्रमणपछि यस क्षेत्रमा मारिएका पत्रकार र सञ्चारकर्मीको संख्या ४८ पुगेको पुष्टि गरेको छ ।