केबुलकारलाई ट्रान्सपोटेसनको रुपमा प्रयोग गर्न आवश्यकः कुलमान घिसिङ

नेपाल विद्युत प्राधिकरणका प्रमुख कार्यकारी निर्देशक कुलमान घिसिङले केबुलकारलाई यातायातको साधनको रुपमा रुपमा प्रयोग गर्न आवश्यक रहेको बताएका छन । शनिवार लुम्बिनी केबुलकारको भ्रमणपछि उनले केबुलकारलाई पर्यटनको हिसावले मात्रै नभइ ट्रान्पोटेसनको हिसावले पनि नेपालमा बढाउनुपर्ने जरुरी रहेको बताएका हुन । कार्यकारी निर्देशक घिसिङले नेपालमा सडक बनाएर डाँडाँमा पुग्नु भन्दा केबुलकार बनाएर त्यहाँको प्रवद्र्धन र सामान आयात गर्नुपर्ने व्यवस्था हुन आवश्यक रहेको बताए ।
कार्यकारी निर्देशक घिसिङले केबुलकारहरुले नेपालको अर्थतन्त्र चलायमान बनाउन र पर्यटन प्रवद्र्धन गर्न र विद्युत खपत बढाउने काम गरेको बताए । नेपालको भौगोलिक अवस्थालाई बुझेर केबुलकारको संख्या अझै बढ्नुपर्ने उनको भनाइ थियो । लुम्बिनी केबलकारमा दशैँ तिहारको बीचदेखि अहिलेसम्म पर्यटकको भीड बढेको छ ।