इङलिस लिगमा चेल्सी र म्यानचेष्टर सिटीको बराबरी

इङ्लिस प्रिमियर लिग फुटबलमा चेल्सी र म्यानचेस्टर सिटीले बराबरी खेलेका छन् । आज स्टामफोर्ड ब्रिजमा चेल्सीले सिटीसँग ४–४ गोलको बराबरी खेलेको हो । सिटीले एर्लिङ हालाण्डले दुई तथा अकान्जी, रोड्रीले एक एक गोल गरे । चेल्सीका थियागो सिल्भा, रहिम स्टर्लिङ, निकोलस ज्याकसन, पाल्मरले एक एक गोल छ । लिभरपुलले इङ्लिस प्रिमियर लिगमा ब्रेन्टफोर्डविरुद्ध ३–० को सहज जित निकालेको छ । शीर्ष स्थानको सिटीको १२ खेलबाट २८ अंक छ । चेल्सी १६ अंक सहित तालिकाको शीर्ष १० भित्र अटाएको छ । घरेलु मैदान एनफिल्डमा लिभरपुललाई जित दिलाउन मोहम्मद सलाहले दुई तथा डियगो जोटाले एक गोल गरे । जितसँगै १२ खेलमा २७ अंक जोडेको लिभरपुल दोस्रो स्थानमा उक्लिएको छ । पराजय व्यहोरेको ब्रेन्टफोर्ड समान खेलबाट १६ अंकका साथ १० औं स्थानमा छ । राती नै सम्पन्न अन्य लिग खेलमा एस्टन भिल्लाले फुलहमलाई ३–१ र वेस्ट हम युनाइटेडले नटिङ्घम फरेस्टलाई ३–२ ले पराजित गर्दा ब्राइन्टनले सेफिल्ड युनाइटेडसँग १–१ को बराबरी खेलेको छ ।