प्रधानमन्त्री दाहाल रोल्पामा

नेकपा माओवादी केन्द्रका अध्यक्ष एवं प्रधानमन्त्री पुष्पकमल  दाहाल  आज रोल्पा पुगेका छन् । रोल्पामा आयोजना गरिएको कार्यक्रममा सहभागी हुनको लागि  उनी आज बिहान काठमाडौंबाट रोल्पा हेलिकप्टरमा पुगेका हुन । प्रधानमन्त्री  दाहालले थबाङका  स्थानीय बासीसँग भेटघाट गरी गुनासो तथा सुझाव लिने, थवाङ खोलामा निर्मित पक्की पुलको उद्घाटन गर्ने लगायतका कार्यक्रममा रहेको सचिवालयले जनाएको छ । प्रधानमन्त्री दाहालले आजै  निर्माण सम्पन्न भइसकेको ५० शैयाको रोल्पा अस्पताल भवन उद्घाटन गर्ने कार्यक्रम  छ । दाहालले आजै नेकपा माओवादी केन्द्र रोल्पा जिल्ला समन्वय समिति रोल्पाले खुल्ला मञ्च टुँडिखेलमा आयोजना गरेको जनसभामा सहभागी भई सम्बोधन गर्ने बताइएको छ ।।