प्रधानाध्यापक संजिव कुमार मृत्यु प्रकरणको छानविन माग गर्दै प्रदर्शन

सिरहाको गोलबजार नगरपालिका–३ तेतरिया जमदह स्थित सरस्वती माध्यमिक विद्यालयका प्रधानाध्यापक संजिव कुमार साह मृत्यु प्रकरणको छानविनको माग गर्दै आफन्तले प्रदर्शन गरेका छन । दोषीमाथि कार्वाहीको माँग गर्दै परीवारजनले पूर्वपश्चिम राजमार्ग अन्तर्गत मिर्चैयामा सडकमा आफन्त र स्थानीयले प्रदर्शन गरेका हुन । आफत्ले घटनाको प्रकृति हेर्दा र भर्याङ्ग र पासो लागेको कोठामा रगत देखिएकाले हत्या भएको आरोप लगाएका छन । साह कि श्रीमती मीना सहितका परिवार र स्थानीयले घटना सूनियोजित भएको बताएकी छिन । 
मिर्चैया नगरपालिका–६ एकताटोलका प्रधानाध्यापक साहको हत्या भएको भन्दै परीवारजनले उचित न्याय पाउनुपर्ने भन्दै प्रदर्शन गरेका हुन । प्रहरीले भने घटनाबारे अनुसन्धान भैरहेको जनाएको छ । 
प्रधानाध्यमपक साह हिजो आईतबार विहान आफ्नै विद्यालयको निमार्णधीन भवनको तेस्रो तल्लाको सभाहलमा पासो लागेको अवस्थामा भेटिएका थिए । उनको पोष्टमार्टम रिपोर्ट आउन बाँकी छ ।