भूकम्पबाट ९३२ वटा घरमा पूर्ण क्षति,२ हजार ८३८ घरमा आंशिक

शुक्रबार रातिको भूकम्पबाट सात वटा जिल्लाका ३ हजार ७ सय ७० घरमा क्षति भएको गृह मन्त्रालयले जनाएको छ । मन्त्रालयका अनुसार ९ सय ३२ वटा घरमा पूर्ण र २ हजार ८ सय ३८ घरमा आंशिक क्षति भएको हो । सबैभन्दा बढी जाजरकोटमा २ हजार ६ सय ८५ घरमा आंशिक क्षति पुगेको छ  । जाजरकोटमा मात्रै ९०५ घर पूर्णरुपमा ध्वस्त भएका छन् । यस्तै, रुकुम पूर्वमा १९ घरमा आंशिक क्षति पुगेको छ । सल्यानमा ९७ वटा घरमा आंशिक र २५ घरमा पूर्ण क्षति पुगेको छ । यसैगरी, नवलपरासी पूर्वमा एउटा घरमा क्षति पुगेको छ । दैलेखमा एउटा घरमा पूर्ण र एउटा आंशिक क्षति भएको छ । यसैगरी, बैतडीमा एउटा घर भत्किएको छ । प्युठानमा २९ वटा घरमा आंशिक क्षति पुगेको छ ।  भूकम्पका कारण ११ वटा जिल्ला प्रभावित भएको मन्त्रालयले जनाएको छ । भुकम्पवाट १ सय ५७ जनाको मृत्यु भएको छ भने २ सय ५६ जना घाइते छन । मृतक सबैभन्दा धेरै जाजरकोटका १ सय ५ जना रहेका छन् । त्यहाँ १ सय १२ जना घाइेत छन् ।  त्यसपछि रुकुम पश्चिचमा ५२ जनाको मृत्यु भएको छ भने १ सय ३२ जना घाइते भएका छन ।  यता, सल्यानमा २, रोल्पामा १, दैलेखमा ३ र जुम्लामा ३ जना घाइते भएका छन ।