डोटीमा जीप दुर्घटना, दुई बालबालिका चारजनाको मृत्यु

धनगढीबाट बाजुरा जाँदै गरेको जीप डोटीमा दुर्घटना हुदा ४ जनाको मृत्यू भएको छ भने ५ जना घाईते भएका छन । मृत्यु हुनेमा सबै हिमाली गाउँपालिकाका रहेका छन । जसमा हिमाली गाउँपालिका ५ का २२ बर्षिया राधिका हमाल, बर्ष ३२ की धनसोभा बुढा, निज धनसोभा बुढाको ६ बर्षिया छोरा कबिन्द्र बुढा र सोही वडाका बिमला मलालकी ८ बर्षिया छोरी प्राथना मलाल रहेका छन । घाईते हुनेमा सोही गाउँपालिका ५ का  बर्ष ३० का प्रकाश बुढथापा, बर्ष २३ का खोम बहादुर मलाल, बर्ष २४ का दान बहादुर बुढा, बर्ष २१ कि बिमला मलाल र बर्ष २१ का राज बहादुर मलाल रहेका छन । घाईतेहरुको उपचारका लागि दिपायल स्थित शैलेश्वरी अस्पतालमा पठाएको प्रहरीले जनाएको छ । घाईते मध्य राज बहादुर मलालको अबस्था गम्भिर रहेको प्रहरीले जनाएको छ । के आईसिंह राजमार्ग अन्तरगत डोटीको शिखर नगरपालिका ६ मा दुर्घटना भएको प्रहरी चौकी तलकोट डोटीले जनाएको छ ।  ग २ च २७७६ नम्बरको जिप अनियन्त्री भई सडकबाट ५० मिटर तल खसेर दुर्घटना भएको हो । दुर्घटनाबारे अनुसन्धान भैरहेको प्रहरीले जनाएको छ ।