नेपाली बजारमा सुनको मूल्य उच्च

नेपाली बजारमा सुनको मूल्यले नयाँ कीर्तिमान बनाएको छ । नेपाल सुनचाँदी व्यवसायी महासंघका अनुसार दशैं विदा सकिए लगत्तै आज सुन तोलामा पाँच सय रुपैयाँले बढेको छ । आज छापावाल सुन तोलामा एक लाख १६ हजार रुपैयाँमा कारोबार भइरहेको छ । यसअघि कात्तिक ३ गते तोलामा एक लाख १५ हजार ५ सय रुपैयाँमा कारोबार हुँदै नयाँ कीर्तिमान बनाएको थियो । सो कीर्तिमान तोडदै आज नयाँ कीर्तिमान कायम भएको छ । आज तेजाबी सुन तोलामा एक लाख १५ हजार ४ सय ५० रुपैयाँमा कारोबार भइरहेको छ । चाँदीको मूल्य भने स्थिर रहेको छ । आज चाँदी तोलामा एक हजार चार सय रुपैयाँमा कारोबार भइरहेको महासंघले जनाएको छ ।