च्याम्पियन्स लिगमा म्यानचेस्टर सिटीको लगतार तेस्रो जित

युरोपेली च्याम्पियन्स लिगको साविक विजेता म्यानचेस्टर सिटीले समूह चरणमा लगातार तेस्रो जित दर्ता गरेको छ । समूह जि मा लगातार तेस्रो जित निकाल्ने क्रममा सिटीले योङ्ग ब्वाइजलाई ३–१ ले पराजित गरेको हो । सिटीको जितमा एर्लिंग हालान्डले दुई तथा म्यानुअल आकान्जीले एक गोल गरे । योङ्ग ब्वाइजका मेससाक एलियाले एक गोल गरे । यही समूहमा आरबी लाइपजिगले रेडस्टार बेलग्रेडलाई ३–१ ले हराउदै तीन अंक बटुलेको छ । समूह जि मा शीर्ष स्थानमा रहेको सिटीको ९ अंक रहँदा ६ अंक सहित लाइप्जीग दोस्रो स्थानमा छ । बेलग्रेड र योङ्ग ब्वाइज समान १–१ अंक सहित क्रमसः दोस्रो र तेस्रो छन् । समूह एफमा पिएसजीले एसी मिलानलाई ३–० र बोरुसिया डर्टमुन्डले न्युक्यासल युनाइटेडलाई १–० ले पराजित गरेको छ । समूह एचमा बार्सिलोनाले शख्तार डोनेस्कलाई २–१ ले हराएको छ । । राति नै भएका खेलमा एथ्लेटिको मड्रिड सेल्टिकसँग २–२ को बराबरीमा रोकिएको छ ।  एफसी पोर्टोले रोयल एन्टवार्पलाई ४–१ ले हराएको छ ।