रास्वपाका सांसद भन्छन् –‘पूर्वराजाले बोलेको विषयले डराउनु पर्दैन’

काठमाडौं । राष्ट्रिय स्वतन्त्र पार्टीका सांसद शिशिर खनालले पूर्वराजाले बोलेको विषयले डराउनुपर्ने अवस्था नरहेको बताएका छन् । 

मंगलवार संसद भवन परिसरमा सञ्चारकर्मीहरुसँग कुरा गर्दै उनले यस्तो बताएका हुन् । सांसद खनालले देशभित्र लोकतान्त्रिक विधि र संस्थाहरु संस्थागत हुँदै गएको, अभ्यासहरु परिपक्व हुँदै गएको अवस्थामा डराउनुपर्ने अवस्था नहुने बताए ।

सरकारले जन अपेक्षा अनुसारका काम गर्न नसकेको पनि खनालको भनाई छ । जन चाहना अनुसारका काम नहुँदा जनतामा निराश उत्पन्न भइरहेको भन्दै जनतामा बढेको निराशाले सत्तापक्ष अत्तालिएको सांसद खनालको दाबी छ ।