शान्ति स्थापनाका लागि आफू पद छोड्न तयार : युक्रेनी राष्ट्रपति जेलेन्स्की

काठमाडौं । युक्रेनका राष्ट्रपति भोलोडिमिर जेलेन्स्कीले युक्रेनमा शान्ति स्थापनाका लागि आफू राष्ट्रपति पद छोड्न तयार रहेको बताएका छन । उनले युक्रेनको नेटो सदस्यताका लागि पनि पद छोड्न तयार रहेको प्रतिक्रिया दिएका छन । 

राजधानी किभमा वर्ष २०२५ फोरममा पत्रकारहरूसँग कुरा गर्दै जेलेन्स्कीले युक्रेनलाई युरोप र अमेरिका दुवैको समर्थन आवश्यक रहेकोले अमेरिकी राष्ट्रपति डोनाल्ड ट्रम्पले राखेको दुर्लभ खनिज साझेदारी गर्ने प्रस्ताव मान्न पनि आफू तयार रहेको बताएका हुन । यसअघि आफूले राज्य नबेच्ने भन्दै यो प्रस्ताव खारेज गरेका थिए । 

जेलेन्स्कीले अमेरिकाले रुसलाई युद्ध अन्त्य गर्न मनाएमा अमेरिकासँग खनिजका विषयमा कुरा गर्न तयार रहेको बताए । यसैबीच, शान्ति सम्झौताका  लागि युरोपेली देशका नेताहरुको बैठक आजदेखि युक्रेनमा बस्दैछ । 

बैठकमा आउँदो वर्षको लागि आ–आफ्नो देशको रणनीति र  युक्रेनको सुरक्षा ग्यारेन्टीको बारेमा पनि छलफल गर्ने बताइएको छ ।