जसपाले वैकल्पिक शक्ति निर्माण गर्छः अशोक राई

काठमाडौं । जनता समाजवादी पार्टी (जसपा)का अध्यक्ष अशोककुमार राईले आफ्नो पार्टीले वैकल्पिक शक्ति निर्माण गर्ने बताएका छन्  । 

आईतवार ललितपुरको ग्वार्कोमा पार्टीको नयाँ केन्द्रिय कार्यालय उद्घाटन कार्याक्रममा राईले पार्टीले समाजवादको वैकल्पिक विचारको श्रृङ्खला निर्माण गरिरहेको बताए । अध्यक्ष राईले वैकल्पिक विचारले वैकल्पिक शक्ति निर्माण गर्ने र त्यो जनहितमा प्रयोग गर्न संगठन निर्माणमा जोड दिनुपर्ने बताए । 

अध्यक्ष राईले पुराना पार्टीहरुले पुरानै कार्याशैलीका कारण जनताको विश्वास गुमाउँदै गएको आरोप लगाए । राइले जनताको आकांक्षा पूरा गर्न नसक्ने पुराना दलको विकल्पको रुपमा जनता समाजवादी पार्टीको उदय भएको दाबी समेत गरेका छन् ।