प्यालेस्टिनी लडाकुद्वारा ४ इजरायली बन्धकहरूको शव हस्तान्तरण

एजेन्सी । प्यालेस्टिनी सशस्त्र समूहहरूले बिहीबार दक्षिणी गाजा पट्टीको खान युनिसमा रहेको रेडक्रसको अन्तर्राष्ट्रिय समिति (आइसिआरसी) टोलीलाई चार इजरायली बन्धकहरूको शव हस्तान्तरण गरेको प्यालेस्टिनी स्रोतहरूले बताएका छन् ।

जारी युद्ध विराम सम्झौता अन्तर्गत मृतक बन्धकहरूको पहिलो स्वदेश फिर्ताको रूपमा हस्तान्तरण बानी सुहैला चिहान नजिकै हमासको सशस्त्र शाखा अतल–कसम ब्रिगेड र अन्य प्यालेस्टिनी गुटहरूको सदस्यहरूको उपस्थितिमा भएको सैन्य परेडको क्रममा भएको हो ।

यसमा कफिनहरू राखिएको प्लेटफर्म वरिपरि नकाबधारी बन्दुकधारीहरूको ठुलो भीड देखाइएको थियो । आइसिआरसी टोली आइपुगेपछि अतल–कसम ब्रिगेडका एक लडाकुले कालो पर्दा उठाएका थिए । मृतकहरूको तस्बिर सजिएका चार कालो काठका कफिनहरू देखाएका थिए ।

हमासले एक प्रेस विज्ञप्तिमा शवहरू इजरायलसँगको द्वन्द्वको क्रममा गाजा पट्टीमा मारिएका शिरी बिबास, उनका दुई सन्तान, केफिर र एरियल बिबास र एक वृद्ध पुरुष ओडेद लिफशिट्जको हो  ।

अक्टोबर ७, २०२३ मा इजरायलमा हमासको आक्रमणको क्रममा चार जनालाई बन्धक बनाइएको थियो ।