रुम्झाटारबाट लोबुचे उडेको मनाङ एयरको हेलिकोप्टर दुर्घटना, पाइलट पिके सेढाइ घाइते

काठमाडौं । मनाङ एयरको हेलिकोप्टर दुर्घटना भएको छ । ओखलढुंगाको रुम्झाटारबाट लोबुचे उडेको ९ एन–एएनजे कलसाइन भएको हेलिकप्टर दुर्घटना हुँदा पाइलट पिके सेढाई घाइते भएका छन् । हेलिकप्टरमा पाइलट सेढाई मात्रै रहेका थिए । हाइ अल्टिच्युडमा रहेका यात्रु उडान गर्न आज बिहान ७ बजेर १३ मिनेटमा उडेको हेलिकप्टर दुर्घटना भएको हो । पाइलट सेढाइलाई उपचारका लागि काठमाडौँको ह्याम्स हस्पिटल ल्याइँदैछ । दुर्घटनाको कारण खुलेको छैन । असन्तुलित भएर दुर्घटना भएको अनुमान गरिएको छ । दुर्घटनापछि हेलिकोप्टरमा आगलागी भएको छ ।